новости веб-чат СЕРДАЛО карта заставка
 







  Общенациональная газета Республики Ингушетия Сердало  


  Общенациональная газета Республики Ингушетия Сердало
 

  4 страница

ОБЩЕНАЦИОНАЛЬНАЯ ГАЗЕТА РЕСПУБЛИКИ ИНГУШЕТИЯ

Выходит с 1 мая 1923 года; № 8 (9530) вторник, 1 февраля 2005 года

Дика-во шортта бIаргадайнар

Йоазонхо хиларал совг1а, Чахкиев Тегала Ювсап Г1алг1айчене вовзаш ва журналист, таржамхо санна.
Ший ханага диллача дикка вахара мул баьккха вале а, тахан а т1ехьа х1анзчул ткъо шу, шовзткъа шу хьалха санна къоалам бера ца хецаш говзаме йоазош деш хьавоаг1а из.
Исторега диллача дукха ха яц 90 шу, х1аьта сага вахарца дистача из тоъъал ха я ала мегаргда. Тахан Ювсапа 90 шу дуз.
Халеи чоалханеи никъ ба Тегала Ювсапа хьабенар. Кхоачам болаш да вай мехках даьхачул т1ехьаг1а "халкъий баьчча" Сталин валлалца из лаьца ваьлла хилар, цу лагерашка цо эзача балех из дийна висар дагадехача.
Дукха набахтенашка, лагерашка чуваьллав из ше санна болча эзарашца 1азап токхаш. Цхьабакъда, деналах ца вохаш, Дала Ше воча х1амах лоравеш, цу жожаг1атенах чакхваьннав Ювсап.
Цу ше эзача халонех, цига наха т1алоаттадаьча 1азапах лаьца повесть язъяьй цо. "Жожаг1атара оаз" яхаш я из.
Чахкиев Ювсап ваьв 1915 шера Мочкъий-Юрта.
1934 шера цо йистейоаккх юртара юххьанцара школа.
Цу шера из деша отт Бурот1арча Г1алг1ай хьехархой техникуме. Шин шера цига дийшачул т1ехьаг1а из Воронежски химико-технологически института рабфаке деша отт. Из цо йистейоаккх 1939 шера. Стихаш язъе волавеннав хьехархой техникуме деша ваг1аш…
Чахкиев Ювсапа дуккхача шерашка болх баьб "Сердало" газета редакце. Из хиннав таржамхо волаш, отдела заведующи волаш.
Вай Казахстанера ц1адаьхкачул т1ехьаг1а, 1994 шера Нохчашкахьа т1ом болабаллалца Грозне ваьхав. Цига вахаш а дукха стихаш, дувцараш, очеркаш язъеш хиларца белгал воал Ювсап. "Ши дувцар" яха дувцарий сборник, "Са уйлаш" яха стихай сборник, "Нахи шераши" яхача очеркай сборник арахийцар цо. Цул совг1а, Чахкиев Ювсапа стихаш юкъе яхай дуккхача коллективни сборникашта. Цун произведенешта кепаетт "Литературни Г1алг1айче" яхача журнала т1а, "Сердало" газета т1а.
Ший дикка ха яьнна яле а, тахан а т1ехьа Г1алг1айчен Паччахьалкхен телерадиокомпане редакторалла болх беш ва Чахкиев Ювсап.
"Сердало" газета коллективо дег т1ара даькъала ву Чахкиев Ювсап цун 90 шу даларца. Дуккхача шерашка х1анз санна могаш-маьрша, иштта наха дукха везаш ваха Дала низ лолба хьона!

УГУРЧИЕВ Азмат-Гири,
поэт




АКТЮБИНСКИ ЛАГЕРЕ

"Жожаг1атара оаз" яхача книжка т1ара дакъа
Яь суд а йоацаш, ийца лоткъам а боацаш лагере д1авигар со.
Дукха баракаш а йолаш, йоккха лагерь яр из. Лагере дукха бар нохчий, юкъ-юкъе г1алг1ай а.
Набахта хинначул дикаг1а дар дуа х1ама: маькх дукхаг1а лора, 1уйрийна, делкъийга, сарахьа д1айха даар а. Дуа х1ама аьлча а, б1арг ма хилба цунна, цхьа фуй ца ховш йола х1ама яр-кх, ж1алена тела деш а цул гаьнна дикаг1а дар ала йиш а йолаш. Бакъда, шозза-кхозза кхаллал хургдолаш худар а лора. Из сенах даьдар, малаг1ча 1овнах даьдар ховргдолаш дацар. Цынга яха лазар ца хилийтара я яхаш кхы цхьаькха цхьа баьцадаарий тайп-тайпара к1еззига йоарх1аш а лора.
Из деррига а чам болаш-м дар, лерт1арча хьал т1а хилча, даа меттел хьайбана а лургдоацаш во доллаше а. Йоккхача моцала чам баьккхабар.
Соца цу лагере хьабоалабир к1а д1адувш хинначара че делла к1а дахьаш боаг1аш гучабаьнна суд яь даи во1и. Да воккха саг вар. Из тхоах д1акъоаставир лагере. Кхы сона б1арга а вовнзар. К1албиса нах болча д1авигар мотт сона из. Дукха бар цу лагере к1албиса нах: цхьабараш геттара г1ийла бар, т1ехкаши ц1океи мара дулхах х1ама ца дусаш, вожаш ийрча бийста бар, юхь т1ара б1аргаш низткъа мара ца гуш къайладаьха, бийста.
Цига балха арадаьхар тхо, цу набахтара боалабаьрех цхьа бригада а яь. 1уйрийна ялх сахьат даьлча г1овттадора, барака чу йоалла радиорепродуктор ч1оаг1а йола а йолийте. Г1овтта а фу дезар цига: барзкъаш т1адувхаш валла мича везар, тхоашта лагере хьаеннача т1олхашца хьалк1агора ховша мара мича дезар. К1албуллаш мотт а т1абуллаш. ювраг1а а мича бар тха. Улгех яьча ерзанча нараш т1а ма ухкарий тхо. Нагахьа санна лохера нараш кхаьчача, аттаг1а хулар. В1ашт1ара яь шолха нараш яр уж. Лакхерча нараш т1а хьалт1авувлеи 1авувлеи хала ма дари низ бехача наха.
Лагере доаладича бане г1олла чакхдаьха, фронте хиннача салташа дувхадаь барзкъаши ботинкаши елар тхона. Ц1ийш а доахкаш дар барзкъаш.
Радиорепродукторо сома ма даьххе, 1уйрийна х1ама даа кийчлора: кхо б1аь грамм маькхи коачача даарах ах литри д1акхаьллача, балха арадоахар тхо. Жа1уно ший жа дагардеш санна, бригадашка дагар а деш, д1а а яздеш, вахте г1олла арадовлийтар. Т1аккха цхьаццанахьа балха д1аовттадора. Балха долча делкъийна ах литр суп лора тхона, маькх а йоацаш. Цу хьал т1а болаш моцалои халача балхои к1албутар нах.
Тха лагерах а йоаллаш яр кхалнаьха лагерь. Сарахьа тхона хьахозар цига доаха г1айг1ане иллеш. Комбинат хьалъеча балха арабоахар уж а. Цига в1ашаг1ъувра тхо. Дукха хулар кхалнаха юкъе г1елбеннараш. Накха геттара беше д1а а баьле, оазаг1а мара бовзаргбоацаш, ма1а нах санна хулар уж. Г1елбенна ма1а нахи кхалнахи цхьатарра хулар. Хала балхаш дар.
Сарралца болх бича, арадоалаш санна, дагардеш лагере чудаьхкача, сарахьа ши б1аь грамм маькхи, ах литр супи, цинготни яха буци лора.
Ма д1аьха а хулар лагере доаккха x1apa ди.
1а т1адера. Тхогарча моцала шелал а т1акхийтар. Ц1аккха а й1айха хилацар баракашка. Шелалои адамаша яа мегаргйоацача х1амаех кийчдеча даарои (баьцадаараш ц1ендеш царех хьакъестача кабуца баьццарча лордех, морковкай баьцах, чкъормаяханза йолча коартолий бурилгех, чкъаьрий кертоех тхона еш хинна "борщ", хетаргахьа бежано юаргьяцар) ишта а к1албиса, низах беха бола тутмакхаш цамогашбора, бовра.
"Котелока чу" (из цхьа аьшка к1опилг яр х1аране) хьаийцача "борща" порцех юхебусар г1умара е лаьттан т1оа. Ц1ен а ца еш цу отходех из "борщ" яьндаь бусар иштта бола т1оа. "Борщаца" наггахьа нийслора дулха отходаш а, цкъаза уж хулар керта е когий чеш а доахкаш дола нихь.
Баьцадаарий отходех даьдар "цинготни" оалаш хинна порци а. Т1ехкашта т1алета ц1ока мара ца дусаш г1елбеннача наха моцала тух а дуаш хий мелар, хьалбиза г1ерташ. Цу т1а г1олла дари хац а моцала дари а хац дукха бестар нах, бовра.
Байна нах баракашкара д1акхухьаш лаьрхх1а оттабаь нах бар, царца мукъа лела бита лийцараш а болаш. Наха юкъера в1аши бола къахетам д1абаьннабар.
Цкъа тха барака чура венна ши саг араваьккхар, ца1 низткъа садоахаш вар. Ше д1ахьоча кхаьчача, сакхетам чура валанза волча цо г1ертта аьлар: "Дийна ма вий со, веннача сага дакъах санна ка х1ана етт оаш сох? Аллийта со, парг1атта валийта".
-Аьъ, ер-м дийна ма вий, - аьлар цхьанне.
-Фу дувц 1а? Гаци хьона ер? Вай укх чура ара а довлалехьа "дубарь" хург ма йий укхох. Ц1аькхаза юхаухаш лелачул бакъахьа да х1анззе а ер д1авихьача, - иштта къамаьл дир цунца хинначо.
Из бакълувра аьнна хийтар сона. Цу хьал т1а кхаьча саг атта дийна вусаргвацар. Б1аргаш къайладаьнна вийставар из.
-Фу дувц 1а? Даьра, хьоргвац аз-м ер дакъаш т1а, е хьога вохьийтарг а ма вац, аьнна къовсавелар уж шиъ.
Из вита д1абахар декъий лехьадераш.
Цу сурто дагадохийтар сона валалехьа хийла саг д1авихьа хила мег акхар, аьнна. Цу шиннех из саг дакъашца д1авахьа г1ийртар санна бараш цхьана хилча, д1авихьа хургвар цар из вийста иллар а.
Цхьаккха бахьан а доацаш в1ашаг1летар тутмакхаш, дорха бар. Кхы цхьаькха тамаше х1ама а нийслора: шийна хьайоаг1а 1уйрийнара кхо б1аь грамм е сайрийнара ши б1аь грамм маькх д1а а еле, махорка е самосад ийераш бар. Цу тайпара дола маьхаш деш x1apa сарахьа базар оттар лагерерча зоне. Цига хулар дохкаш барзкъаш, кийнаш, кулгахйоахкоргаш, ботинкаш, валенкаш, кхыметтел "котелокаши" 1агаши.
Цига дохкар олифа а. Из мелар наха. Цу "товарех" дукхаг1дараш маькхах хувцаш дар. Бакъда, ахча а доалар юкъе.
Цхьабараш лаьрхх1а из базар еш хулар. Царга цкъаза кхоачар боккха мах бола дошо г1озараш геттара дарег1арча маьхах. Леш воаллача сага мича езар уж.
Саг ма нийслулва из санна йолча базар т1а, даькъазача наьха ираз дайна базар яр из.
Саг валарах къахеташ цхьаккха вац аьнна хеталора. Дагадоаг1а сона цкъа бийсана вагона т1ара кирпишкаш 1ойоассае тхоаш дахийта. Геттара шийла яр. Кулгахйоахкоргех чакхйоалача шелало г1орадора кулгаш. Йийзача ц1ерга юхе оттарах дег1 д1оахлацар.
Цхьа ха яьннача г1олла тхона юкъера ца1 вежар. Т1аккха оаха дийхар конвойгара тхо лагере юхачудига, аьнна. Вежачох къахеташ дацар из, шелалах а балхах а к1алхардовлар духьа дар.
Цул т1ехьаг1а кхы цхьаькха а вежар. Ц1аькха а дийхар оаха тхоаш лагере чудигар. Цох а х1ама хиланзар.
Тхоашта йилла ха чакхъяллалца даг1а дийзар тха, т1аккха лагере чудигар тхо. Х1аьта 1овежа хинна шиъ цига аллийсар.
Тхоашта юкъера саг валар цу бус эггара хьалха б1аргадайна дацар тхо. Из сурт-м тхона x1apa дийнахьа х1ана дац аьнна гуш дар.
Цкъаза венначох хьогача оттар хьо, хьайна т1алатта 1азап дагадехача.
Лаьтта ахка дезача, кирпишкаш, кхыйола материалаш йоассае, д1ат1акхахьа езача, пенаш доттача, цу тайпара кхыдараш деча къахьегар оаха. Цу т1а г1олла дукхабараш низах бехе болх булургбоацача бовлар. Иштта к1албиса нах дукха бар лагере. Могашбараша царех оалар "дубарь". Из дар венна д1авалара д1ат1акхаьчар яхилга.
Иштта к1албисача наха балха ухарашта миссел маькх лацар. Цудухьа, кхы а йоккхаг1а моцал т1аоттар царна.
Столовена гонахьа лелаш хулар уж хьааракхайса кхачан отходаш лехьаеш.
Столовена юхе цхьа боккха к1оаг боаллар отходаши б1еха хийи чумехкадеш. Цунна гонахьа хьувзар уж. Цхьан дийнахьа дукха нах гулбелар цу к1оага гонахьа. К1оаг чу латаш вар ши саг. Царех ца1 лагере массанена а вовзаш вар. Арчебасов яр цун тайпан ц1и. Из хьайбан дент1а ваьнна саг вар. Цо цхьа ведар йизза тайп-тайпара отходаш, аракхайса баьцадаараш, нихь, т1ехкаш, чкъаьрий кортош юъ яхаш дувцар. Из теннача дег1ара саг вар, г1ийла юхь а йолаш, цхьа ийрча текха йоккха кит а йолаш. Цу сибата т1а оттаваьвар из лагерерча хьало. Х1аьта цунца латаш хиннар вар, из санна лакхача дег1ара а волаш, г1ийла дег1и йийста бати йолаш.
Гулбеннараша, бела а белаш, йоахар: "Арчебасов, ка ма лелахь". Дикка ха яьккхар цар к1оаг чу в1аши кхувсалуш. Ши-ше отходаш дукхаг1а лохьае г1ерташ, уж къайса в1ашаг1летаб, яхаш дувцар гонахьа латтараша.
Моцало долла х1ама дицдолийтача кхоачабаь нах бар уж. Фуннаг1а яле а, яа мегаргйола х1ама лехар цар. Бакъда, цар из "чарахьал" дукха гаьна далацар. Уж к1албусар ишта гобоахаш лелар бахьан долаш. Цунца цар шоай т1еххьара низ кхоачабора. Юххера а легар уж. Т1аккха нагахьа саг г1аттацар царех. Цкъаза ц1аьхха веле д1авоалар царех саг, хьога хьалувш вагг1аше а.
Лагере сатийна хилацар ц1аккха а. Лийца боахка нах в1ашаг1а ца латаш-м нагахьа ди д1адодацар. Нагахьа санна саг вийна е маьже яьккха моттиг ца хилча, в1ашаг1латар в1алла теркал а дицар лагера хьакимаша.
Цкъа нах а боабеш докха дов хилар лагере. Дов хиннача шоллаг1ча дийнахьа шевар тхоай мел йолча х1амашца лагерера болх беча зоне дигар тхо. Из яр тха лагерах а йоаллаш, Х1аьта наггахьа цунгара д1аийккхача лагераш массаза а лийца боахкача нахага болх байтаргболча моттиге хулар. Иштта яр тха лагерь а.
Мух а хьекхаш гуйранара шийла ди дар из, юкъ-юкъе дарзаг1а дог1а а делхаш. Х1аравар верзан а воаккхаш чухьажа болабелар. 1уйрийна д1адоладенна сарралца лаьттар из 1азап. Дуккхача наха т1еххьара ди хилар цох, х1ана аьлча иштта а сахадача кхаьча дукха бар.
Юххера а баракашка чудаьхкача д1оахдала йиш хургйолаш й1айха яцар. Йоккхача барака чу саг йистхулаш хазацар. Нагахьа санна дош оалаш хезача, бувцар эггара б1ехаг1бола мотт бар.
Цу дерригане а уйла еш, сона хетар, топаш теха боа а ца беш, иштта 1азап а озийташ боабергба аьлча санна, наха низ бе йилла лагерь хиннай-кх тхо дар, аьнна…

Чахкиев Ювсап




НАМ ПИШУТ

Уважаемая редакция газеты "Сердало"!
Через вашу газету я хотела бы выразить огромную благодарность начальнику абонентно-технического отдела Малгобекского РУС Яндиевой Лейле.
Эта милая, добрая женщина с любовью и улыбкой встречает каждого посетителя. В наше тяжелое время очень трудно найти человека, который мог бы выслушать и понять людей, войти в их положение. Но Лейла находит в себе силы и в любое время найдет для человека ласковое слово. Она, должно быть, по жизни человек отзывчивый, чуткий, добропорядочный.
Я хочу сказать искреннее спасибо Яндиевой Лейле. Хочу, чтобы в нашей маленькой Ингушетии было побольше таких людей, как она, и тогда, я уверена, жители республики будут намного счастливее.
Ведь именно от того, кто нами руководит и с кем приходится сталкиваться зависит простое человеческое счастье.
Здоровья Вам, милый, добрый человек, счастья Вам и Вашим близким!

Р. МУТУСХАНОВА,
жительница г. Малгобека.





С 1 января пересылка воинской корреспонденции осуществляется
в специальных маркированных почтовых конвертах


С 1 января 2005 года пересылка писем военнослужащих, "проходящих службу в органах исполнительной власти по призыву, а также писем, адресованных им", осуществляется в маркированных конвертах "Воинская корреспонденция" в связи с изменениями, внесенными с 1 января 2005 года в Федеральный закон "О статусе военнослужащих". Эти конверты будут приобретаться за счет федеральных органов исполнительной власти, в которых военнослужащие проходят службу по призыву. Цена конверта на всей территории Российской Федерации составляет 7 руб. 10 коп.
Ранее согласно законодательству Российской Федерации организации федеральной почтовой связи предоставляли услуги почтовой связи военнослужащим срочной службы "бесплатно", а государство должно было их компенсировать. Однако из-за недофинансирования Почте России приходилось оказывать эту услугу за счет собственных средств, вследствие чего убыток почты только в 2004 году составил более 500 млн. руб.
Теперь в связи с внесенными изменениями в законодательство ФГУП "Почта России" выпустило приказ, согласно которому с 1 января 2005г. прекращен прием писем в немаркированных конвертах в адрес и от военнослужащих, при этом письма, принятые до 1 января 2005 г. в немаркированных конвертах, должны быть беспрепятственно обработаны и доставлены адресатам. Прием, обработка, перевозка и вручение писем в маркированных конвертах "Воинская корреспонденция" будет осуществляться в порядке, установленном для простой письменной корреспонденции.

ФГУП "Почта России" совместно с представителями организаций, в которых военнослужащие проходят службу по призыву, подготовило к выдаче по военным округам тираж маркированного конверта "Воинская корреспонденция". Всего в течение 2005 года 'планируется передать около 60 млн. таких маркированных конвертов.




Началась реализация на сети почтовых отделений полисов общегражданского страхования имущества Росгосстрах - Дом

Реализация полисов общегражданского страхования имущества осуществляется в рамках договора, заключенного ФГУП "Почта России" и ОАО "Росгосстрах" в июле 2004 года. После отработки технологий и схем предоставления услуги, в ноябре с.г. началась реализация страховых полисов в отделениях почтовой связи.
Почта России расширяет комплекс предоставляемых услуг. Сотрудничество ФГУП "Почта России" и ОАО "Росгосстрах" позволяет предложить клиенту удобную схему приобретения страховых услуг, востребованных населением на всей территории России. Страховые продукты Росгосстрах-Дом, Росгосстрах Дом-"Экспресс", РГС-Экспресс-Квартира ориентированы на население со средним и ниже среднего уровнем доходов и специально разработаны для реализации сотрудниками почтовых отделений по упрощенной схеме оформления и заполнения. При этом предусматривается возможность доставки полисов почтальонами на дом клиенту.

Полис Росгосстрах-Дом позволяет компенсировать потери клиентов при возникновении непредвиденных ситуаций с имуществом, стихийных бедствиях, а также в случае преступлений против собственности. Росгосстрах Дом-"Экспресс" предназначен для недорогих домов, по которым возможно заключать договор страхования без осмотра помещения. Полис РГС - Экспресс "Квартира" гарантирует комплексную страховую защиту квартиры, внутренней отделки и всего домашнего имущества, а также гражданской ответственности при эксплуатации квартиры.

В рамках заключенного договора проводится обучение сотрудников Почты России, обеспечивающих реализацию полисов, разработаны информационно-рекламные материалы для клиентов.

Как отметил генеральный директор ФГУП "Почта России" Игорь Сырцов: "Предыдущий опыт сотрудничества с Росгосстрахом оказался полезным обеим сторонам. Поэтому мы пошли на расширение этого сотрудничества. Мы уверены, что наша деятельность пойдет на пользу граждан России, повысит качество обслуживания населения, сделает страховую защиту более доступной и удобной".

"Развитие партнерских отношений с Почтой России - одно из приоритетных направлений деятельности нашей компании, - заявил вице-президент Росгосстраха Игорь Игнатьев. -Сотрудничество двух таких крупнейших организаций, обладающих разветвленной филиальной сетью, делает страховые продукты более доступными для каждого россиянина. Это еще один шаг на пути к построению цивилизованного страхового рынка в России".

Справочно:

ФГУП "Почта России" создано Распоряжением Правительства РФ от 5 сентября 2002 года. Завершается процесс объединения всех организаций федеральной почтовой связи в рамках ФГУП "Почта России". Сегодня в составе единого предприятия работают 80 филиалов. Сеть федеральной почтовой связи включает в себя 42 тыс. объектов.
Росгосстрах - крупнейшая в России страховая компания, которая оказывает существенное влияние на формирование страхового рынка.
Сегодня Группа компаний "Росгосстрах" представляет собой вертикально интегрированный холдинг. Он включает ОАО "Росгосстрах", три крупные региональные и семь межрегиональных страховых компаний. В их составе работают 76 республиканских, краевых и областных филиалов, более 2300 агентств и страховых отделов.

Пресс-служба ФГУП "Почта России"
тел. (095) 956-20-67 доб. 1591,1823; факс (095) 956-99-62;
press service@ russianpost. Ru




О первых шагах установления Советской власти в Ингушетии






О первых шагах установления Советской власти в Ингушетии




 
----

??????.???????
Новости |  Наш Президент |  Пишет пресса |  Документы |  ЖЗЛ |  История
Абсолютный Слух |  Тесты он-лайн |  Прогноз погоды |  Фотогалерея |  Конкурс
Видеогалерея |  Форум |  Искусство |  Веб-чат
Перепечатка материалов сайта - ТОЛЬКО с разрешения автора или владельца сайта и ТОЛЬКО с активной ссылкой на www.ingush.ru
По вопросам сотрудничества или размещения рекламы обращайтесь web@ingush.ru