новости веб-чат СЕРДАЛО карта заставка
 







  Общенациональная газета Республики Ингушетия Сердало  


  Общенациональная газета Республики Ингушетия Сердало
 

  4 страница

ОБЩЕНАЦИОНАЛЬНАЯ ГАЗЕТА РЕСПУБЛИКИ ИНГУШЕТИЯ

Выходит с 1 мая 1923 года; № 143 (9518); вторник, 21 декабря 2004 года

Осмиев Сосий Хьамзат ваь 95 шу дизарга
Сердалонга бодача новкъа…


(Д1ахододар. Долалор №141)

Х1аьта а нахал ца яла г1ерташ, ден-бус къахьегаш ший йо1 кхееш йоаллар Хамсат. Хоза, эхь-эздел долаш, 1имерза, эхь хеташ, сатем-сабар долаш кхувш латтар Губати. Губате сурт дуллаш авторо кходиц дика дош: "… Г1алме т1а бодача новкъа байгга ког а ловзаш, юкъ-юкъе й1аьха 1аьржа керта к1ажараш юхат1ехьашкахьа а тувсаш, босаг1а 1очуйоаг1ар къона, кхувш йоаг1а цхьа йо1". Т1аккха хи т1а 1от1акхаьча, хих к1удал хьалйизача, "нийсъяь из 1о а оттаяь, ше хьалнийс а енна, кхачарах тоабеннача 1аьржача хьачий бос бола ший сийрда б1аргаш цхьан юккъа уйла еш т1адерзадир цо цхьаккха х1аман сагото йоацаш, корта мукъа, къегаш, сакъердаме ловзаш, кхехкаш, узамаш деш, мелла дукха хьаийдой а, ц1аккха кхоача ца луш додача хин тоатолга.
… Б1аргаш, бордаш, еррига юхь, дег1 лоаладаь дича мо хоза дар Губате. Йодаш-йоаг1аш из яйча хела саг безаме б1арахьожар цунна".
Цхьабакъда, йи1ийна т1абувха г1ирс цу йи1ий хьал-таро дукха дика йоацилга гойташ ба "… хоза, диткъа дег1 эзза т1аювхаш морача басма коч, турсаш а даь йола маьчеш, ц1аг1а ше кара хьаяь тхан пазаташ, бесаза а даьнна дола 1аьржа гурмали - из бар Губате беррига г1ирс".
Х1аьта дувцара конфликта к1ийле я ший ханнара з1амига саг ший са мо везаш йола Губати "мурбеннача хена тара, дег1 дешаьча", къавеннача Довтага, хьайба дохкаш мо, ахчах йохка г1ерташ Губате "даь-воша Воах1ап" хилар.
Губати цу г1улакха духьала йоал. "Нани! - хьоасталу из ший наьнага. - Воах1и (иштта ц1и кхоаб Губате ший даь-вешех - Х. Н.) ва ер деррига мел хьувзадер. Ма доадудалара цо са ираз… Ма ювцийтаялара цо со нахага… Ма хьарчавалар из вай къих… Х1ана алац 1а цунга?" Бакъда, цунна де новкъостал долаш яц нана, мел ший йи1игах къахете а. "Яхар ца дича вай дарг мичад", - йоах цо.
Иштта белхаш шоай бала кодабеш ер нанеи йо1и леллаше а Довта зоахалол хьоахаду. Губатена хов, ше Довтага маьре яхача йоахалургйоацилга. "Сога лоалургдац! Аз яхар-м кхы х1ама дац…" - лоацца йоах цо наьнага. Цхьабакъда, ше фу дергда хац цунна. Фу де йиш я-м хов, - масала, едда Султанага маьре яха йиш я, - фу дича бакъахьа хургда хац-кх. Наха ше ювцар а кхер, даь-веший юхь а йоагаяь, малаг1а ираз лаха йоал-те ер, яхаш.
Иштта из бала кер чу а болаш, хадданза дог делхаш лелача Губате ираза мо Буро т1ара ц1авоаг1а цун шуча Ахьмад. Укхаза доаллар, ший шучанна а ший наьна-йишийна а Вох1апас леладер хайча, Ахьмада шийца Буро т1а д1аюг Губати, цигга цунга дешийтаргдолаш.
Дуне кхеллача хана денз наха юкъе нийслуш а, шедолча къамий литературашка дукха дийца а хьал да из. Мел дукха кхалнах ихаб укх дуне чу, везаш з1амига саг воллаше а, в1алла шийна ца везача, шийна гоама волча а, кхыметтел, шийна дегаза волча а ма1ача сагага маьре. Мел дукха а башха а да цу хьала бахьанаш. Цхьабакъда, г1алг1ай литературас гучадаьккхар кхалсагаца лелаеча харцон цхьаькха цхьа бахьан, цхьаькха цхьа овла. Из г1алг1ашта юкъе лелаш дола урдув дахар дар. Урдув дехалга а доахалга а "бежан мо ахчах кхалсаг йохкалга да" аьнна, из цу т1а д1ат1а а дихьа, цунца лира къовсам д1аболабир г1алг1ай йоазонхоша, журналисташа, идеологаша, ерригача интеллигенце. Эггара хьалха из тема литературе айяьр Мальсагов Зоврбик вар.
Цун "Йо1 йодаяр" яхача пьеса турпалхо Калимат хьинаре духьалйоал ший да раьзаволчча маьре яхача кхалсага г1улакх даьннад яхача г1алг1ай къаьнарча 1адата. "Маьре яха езар а, яхача яха езар а со еций?" - йоах цо наьнага. Юххера а ше а езаш шийна а везаш волча Мухтарага едда маьре йода Калимат. Укхаза авторо гойта керттера уйла, къаьнача 1аьдалашца, ийрчача г1улакхашца къовсам лоаттабе безараш кагирхой шоаш ба, яхар я.
Осмиев Хьамзата дувцара керттера турпалхо Губати селлара радикальни яц.
Калимата дог доаха Мухтар Мальсагов Зоврбикас къаьгга хьагойта вале а, Губатена веза Султан в1алла малав хац вайна: из фу деш ва а хац, цун уйла-нигат а хац, цун социальни хьал хац. (Воах1апас "айлаюкъе лела ерзанъяьнна босе"-м йоах цох). Е, боккъалдар аьлча, вайна из ха дезаш а дац. Губатена из везаш хиларо д1анийсду шеддар. Вай теш Губатех, во саг Губатена везаргвацар аьнна, дог тийша да вай. Губате цу конфликтера лоха никъ а дукха тара бац Калимата хержачоа. Губати к1аьдаг1а я, наха аргдолчох а Губати ч1оаг1аг1а кхер. Ший сий довр а кхер, ший даь сий доадар а кхер.
Цул совг1а, Калиматий Мухтар мо, харцахьа бале а бакъахьа бале а, моллаг1а цхьа никъ хьа а лаьца, ше дер бакъахьа долга дог тийша а волаш, цу наькъ т1ара ца вала лаьрх1а а волаш новкъост а вац Губате.
Х1аьта а, дег чура из духьалъялар зехьа дайнзар.
Дувцар дешараш теш, Губате д1аходода вахар сийрда а, иразе а, ший къаман беркате а хургхиларах. Калимата ший вахар дергда иразе, х1аьта Губате вахар хургда иразе: из я цу шиннена юкъера керттера башхало.
Г1алг1ай литературе дукха я кхалнаьха образаш. Цхьа б1аьи ах б1аьи шу хьалха баьха Базоркин Идриса Зору, Дали, Наси, цхьа дезткъа шу хьалха баьха Калимати Губатии, ткъаь пхиъ шу - ткъаь итт шу хьалха яьха Плиев Махьмад-Са1ида Диба, Балаева Довхана Мадина, вай ханара Хамхоев Вахий Зали, иштта кх. д. а. Насии, Зоруи, Мадинаи цхьацца бахьанаш а нийсдале, шоай сий ца доаде а, шоай дай сий ца доаде а, эзделах ца боха а г1ерташ шоай дего хьат1ацаэца маьрел а дий д1аболх. Дийбас цкъарчоа ду из тайпа маьрел, цхьабакъда, ший керда хинна мар шийна доацар т1акхолла велча, шийна кийчъяьча кхела къовсамца духьал а яьле, Москве деша йода.
Уж кхалнаьха образаш мел башха яле а, цхьа х1ама да цар массане а юкъара: шоай дег1о яхар дир духьа а, шоай ираз ца доадар духьа а - вешта аьлча, цхьаккха бахьана духьа а эзделах боха тигац цар. Цхьаькха да, бакъдар аьлча, эздела чулоацам, дича бакъахьа дар цар х1аране ше-ший тайпара кхетаду. Масала, Зору ший даь дош ца дохадар духьа д1айода Чаборзага. Х1аьта Мадина шийх наха цхьаццадола харц къамаьлаш дувцар кхераш, уж ца дувцийта, цу къамаьлашта т1аг1олла ший дай сий ца доаде а д1айода 1алиханага. Калимат даьна духьал а яьле едда маьре йода Мухтарага, х1ана аьлча, цунна хетац ший маьрело ший дай сий доаду аьнна. Цо из кхета а дац. "Къонача, хьинаре а денале а волча, хьаэттача заманца товш волча Мухтарага со маьре яхай аьнна сий х1ана дов са дай. Цар сий довргда, бежан мо со ехка а ехка уж 1оховше", - цу тайпара я Калимата уйлаш. Вешта аьлча, из а г1ерт ший дай сий ца доаде.
Х1аьта Губате из а диц е вож а диц. Губате къаьнарча 1аьдалашта духьалъялар кхыча тайпара да.
Зорус кхетаду из 1аьдал, къоабалду, цудухьа цо яхар т1а а эц.
Калимата цу 1адата яхар а къоабалдац, е из 1адат ше а т1аэцац. Цудухьа из духьал йоал 1адата.
Х1аьта ше из 1адат т1а ца эце а, цу 1адата духьалъяла магац Губатена, цудухьа 1адатах цо х1ама яхац, цхьабакъда, цу 1адато де яхар де раьза а яц, де а тигац. Иштта кхаь тайпара, кхо никъ ба 1адаташца лелабе йиш яр. Цу кхаь наькъех, сога диллача, эггара нийсаг1а никъ ба Губате т1аийцар.
Зорус йоах: наха юкъе из лелаш дале, се раьза яле а еце а аз леладе деза из.
Х1аьта Калимата йоах: наха юкъе из х1ама лел, нах х1анз а 1овдала боландаь. Аз из айса а леладергдац, сона моге нахага а леладайтаргдац. Х1аьта Губате позици Зору яр санна миска а яц, Калимата яр санна довна т1ехьа а яц. Цо йоах: юкъе лела 1адаташ харцде а е бакъде а са г1улакх дац. Цхьабакъда, цу 1адаташа яхар сона де могаргдац. Из раьза яц шийнеи ший даь-вешийнеи юкъера эздел-г1улакх дохаде. Кхыметтел ший даь-вешийна д1адухьала а яха шийна хетар д1аала а магац цунна. Мичча тайпара, мел сийдоацаш из вале а, цо цох ц1и а кхоаб - Воах1и оал цо цох. Нанас иштта кхеяьй из.
Воах1ап ший веший дезалца дика ца хилар а дац Губати духьалъялара бахьан. Нанас шийга "цо яхар ца дича нах беларг ма бий вайх. Тайпан а т1ехь сий доадир хьанаьхкар ц1ено яхарг ма дий. Яххар ца дича вай дарг мичад", аьнна, къамаьл дича, Губате жоп лу: "Сона могаргдац хьона цу деша цо яхар де. Воах1и мелла вайца дика хинна хилча а дулургдацар из".
Лоацца аьлча, Губати духьала я ший кхела, селла харц в1ашкаэттача.
"Цхьабакъда, из кхел сел юхмаччахьа в1ашаг1йолла г1ертача ший даь-вешийна духьала яла магац цунна.
Губате яхар долчча бесса д1аала нанна ца магаро а, е цун дегача боалла бала кхетабе Воах1апа безам ца хиларо а, ше леладер харцахьа а ийрча а х1ама долга кхетаде эздел а хьаькъал а Довта ца хиларо а д1ат1атет Губати г1алг1ай эздел дохадара, г1алг1ай 1адаташта духьалъялара. Цхьабакъда, селла ч1оаг1а ший дег1ацар эздел ца дохаде, ший сий ца доаде из г1ертарах Дала ше новкъостал ду Губатена. Ший шучийца Ахьмадаца Буро т1а деша д1айода из. Дувцара чаккхе ишта я: "Боадонна к1алхара а яьнна, ший йижарашта никъ баьккха, сердалонга йодар Губати" - ишта я дувцара чаккхе.
Зору вахар атта хургдац, цхьабакъда, кхоана фуннаг1-моллаг1а эккхий майрра ший даьна юха т1ая йиш я цун.
Калимата вахар мерза хургда, цхьабакъда, кхоана ший даьшта юха т1ая юхь-м хургьяц цун.
Х1аьта, Губате вахар сийрда а хургда, фуннаг1а хуле а майрра ший даь-веший къонгашта т1ая йиш йолаш а я из. Х1аьта хало т1акхаьчаяр аьнна ший нахах ца хадар, ца валар керттера да. Из керттера долга вайна вай замано хьа а хайтад.
Х1анз, кхыча произведенешка воаш хьажалехьа, вай бакъахьа да автора ше ала г1ертари (авторская идея) х1аьта произведенес хьагойтари (объективная идея произведения) в1ашка ца доаг1аш нийсдалара хьалага.
Калимата "сай безам бар х1ана дайтац сога?" - йоах, х1аьта Губате "ираз ма доаде са" мара яхац.
"Цунна (Воах1апа - Н. Х.) духьале йича, цо аьннар дохадича наьха метташ долалургдар - маьхий мо ира, дохьаж мо къахьа метташ… Ший са а дег1 а дехка, царгаш йоацача къоаночун лай а хинна д1аяха - из дуккхаз а халаг1а дар. "Малаг1а дергда цу шиннех?!" - уж ши никъ бар Губате ховхача кер чу шоайла къувсаш хиннараш…" "Фуннаг1а хуле а, цхьанна х1аман духьа Довтага маьре г1орг ма яц со" - из уйла яр цун керттера яр.
Х1анз ладувг1аргда вай йо1ас ший наьнага деча къамаьлага.
"- Аз духхьала д1аях хьога, нани. Довтага ца яха ткъаь иттаза со г1оргйолаш вола саг ва со д1аюгаргйолаш. Кхы оаш се ца юте, ара а яьнна, цунга со едда г1оргья. Хозий шоана?
- Из малав 1а вувцар?
- Султан-м даьра ва.
- Мала Султан? - ийккхар Хамсатага.
- Б1азе Султан! - лоацца жоп делар Губате.
- Айя, ший нана кхаба а ца могаш ма ваг1ий из. Ма вувцалахь вайна. Ма доаделахь вай ц1ен сий!
- Цун нана-м кхы 1а кхоабаш мича яьг1ай х1анзолца а, - йоахар
Губате, наьнах бехк баккха г1ертача хьисапе. - Кхы шо ца совце хургдар да из аз шуга д1аяхар. Д1аалал 1а иштта Воах1апага а".
Вайга авторо йийцача, "ког д1акхийтта г1олъялар кхераш мо, лаьттан т1ара б1аргаш хьал ца доахаш" лийннача Губатена тара хетий шоана ер наьнага дикка айхьаза къамаьл ду Губате? Сона а хетац. Х1ана яц из тара? Фу хилар цунна цу шин-кхаь дийнахьа? Фу хувцаделар цун вахара-уйле, цун сакхетаме? Укхаза эггара хьалха кертача доаг1ар да, даь-вошас хьат1атетта зоахалол Губатена сов дегаза хиларо ший уйлах йохаяьй из, дог доххарца ду цо из къамаьл, аьнна. Хила мег. Осмиев ше а из ала г1ерт. Иштта эхь-эздел долаш нанас кхеяь йо1 а ший оамалах йохаеш бола бала бар цун кер чу хиннар, ала г1ерт автор. Цхьабакъда, со цу къамаьлах тешалац. Эздел, наьха эхь-юхь йола саг, е ма1а вар а, е кхал вар а, эзделах вохаргвац. Сиглен к1ала дац эздел дохаде могаргдолаш х1ама. Эздийча сагага ший сий довргдолаш дола х1ама дайта могаргдола бала укх дунен т1а Дала хьакхеллабац. Г1алг1ай къам цу т1а лаьттад, цу т1ара а даргдац. Доале, уж г1алг1ай а хургбац, уж нах а хургбац - уж духхьал адамаш хургда. Кхыча дешашца аьлча, уж малаш хургба-м хац сона, цхьабакъда, г1алг1ай-м хургбац уж.
Т1аккха, из ца ховш хиннав-те Осмиев? Даьра хиннавац! Т1аккха х1ана ду Губате (нийсаг1а аьлча, х1ана дайт Осмиевс ший дувцара турпалхочунга Губатега) наьнаца селлара айхьаза къамьл?
Цу хаттарашта дола жоп цхьалха да: цу хана иштта дувца дезаш эттадар политически хьал. Цул совг1а, "сома а баьнна", вахара доал шоай бе а делла, коммунистически уйла-нигат хьат1а а ийца, партена мут1ахьа а болаш кагирхоша советски 1аьдало яхар ца дойя, деррига советски импере мел даха къамаш д1ав1ашаг1 а ийнна, цхьа къам а хинна д1а ца овтте, мискай, къахьегамхой 1аьдал кот ца дала мегаш а да, аьнна хетар цу хана дуккханешта. Из ца хетачоа а ше цу къамаьла раьза воацилга д1аала кхераме ха а яр из.
Цхьаькха а дар литературе лоарх1аме: г1алг1ай ворхх1е даьгара хьайоаг1а традици (моллаг1а из яле а), кердача 1аьдало яхачунца тарлуш из еце, харц хила езаш яр моллаг1ча литературни произведене т1а, цу традицена духьала "лира къовсам" лоаттабеш кагирхошха цхьа (ца1 мукъаг1а!) литературни турпал а хила везар, цун къамаьл шолха-кхолха доацаш, нийссеи дов д1ат1адеши хила дезар, моллаг1чунга цо из къамаьл дой а. Цудухьа "дайт" Осмиев Хьамзата ший дувцара турпалхочунга Губатега селлара айхьаза къамаьл.
Укхаза дешархошта хьагучадоал произведене керттера уйла (идея) автора идеяца тар ца лулга. Авторо шийна бакъахьа хетар "дайт" Губатега, Губате ше цхьаккха дича а дергдоаца.
Ший замано шийна хьалхашка увттадеча декхарашка хьежжа "кердача вахарга, сердалонга никъ боаккхаш йодача" ялхайттара яьннача йо1о ший кхел ше бакъахьарча новкъа мишта йоакх гойта г1ерт Осмиев. Из я автор ший дувцар т1а дешархошка д1акхачийта г1ерта идея, автора ший идея. Цхьабакъда, цо гойтар дуккха дукхаг1а а шераг1а а уйла я. Хоза уйла т1а а яхийта, авторо из яздаь ха дага а лаьца дийшача цу дувцаро къаьгга хьагойт авторо 1о ца язъяь, цхьабакъда цун дагалаьтта уйла. Малаг1а я из уйла? Из уйла я ший вахар, ший кхел ше в1ашт1ехьъяккхар духьа эзделах воха везац саг, яхар. Дича бакъахьа дар, динза даргдоацар-м де йиш я цхьаккха сагаца, даьца-наьнаца х1аьте а, хьакхашта а ца воалаш.
"Агроном" яхача дувцар т1а из ц1аькхаза а хьахьокх авторо. Школе деша яг1ача хана денз лаьттанцара болх дукха безаш а агроном хила лерх1аш а яр Дугурхан. Цхьабакъда, цу г1улакха духьалвоал Дугурхана даь-да Албаст. "Эг1адаьд шо? Хьаьрдаьннад шо? - яхаш "дов дора" Албаста ший ви1ийнеи несийнеи. - Вайнаьха кхалсагах мишта хул агроном? Ха йолча хана а, ха йоацача хана а арахьа кхашка г1олла гобоахаш лела…" "Цунна шийна из ловш хилча …" - ший да д1акхетаве г1ерт Татре.
"Ловш хилча! Ловш хилча!" - футтардир Албаста ви1ий дош. - Дас доал де деза ший бера а цунна "ловчоа" а…"
Иштта латт из "боккхаг1чари" "з1амаг1ийи" хьаштий конфликт. Цхьабакъда, сабаре хиларца, к1аьда дувцарца, воккха саг харц ца а веш ("Аз яхац хьо харцлув. Цхьабакъда, хьона хетар д1адаьннад") из тахан латтача хьалах д1акхетаве г1ерташ Албаста сесаго Наше деча къамаьло хьабарта воалаву Албаст.
Лоацца аьлча, укх т1ехьаг1а яздаьча дувцара т1а дуккха дикаг1а хьагуш я хьалхаг1а яздаьча "Сердалонга" яхача дувцар т1а турпалхочун действешта т1ехьашка лаьтта, цудухьа го хала хинна идея, произведене объективни идея.
Автора ший идея произведене идеяца в1ашка ца йоаг1аш хилар каст-каста нийслуш х1ама да. Цунна дукха масалаш да эрсий литературе а. Хьаэцаргья вай, масала, Л. Толстойс язъяь "Анна Каренина" яха роман. Ховш ма хиллара, из роман д1айолалу эпиграфе оттадаьча "Сога хьада, аз бекхам бергба". ("Мне отмщение, и аз воздам") яхача дешашца. Эпиграфаца дукхаг1ча даькъе авторо гойт ший произведене керттера ше лоарх1а уйла. Л. Толстойс уж дешаш кхетадеш хиннад "цхьанне бокъо яц саг харц ва е бакъ ва къестаде, из Далла дикаг1а ховргда" яхача тайппара. (Уж дешаш Л. Толстойс иштта кхетадеш хилар а цо уж Шопенгауэр Артура книжка т1ара ийца хилар а къаьгга хьагойташ я Б. Эйхенбаума "Толстой и Шопенгауэр" яха статья. (Цунга хьажа: "Литературный современник", 1935, № 11, 141-144 оаг1.)
Цу дешашка чуйоаг1а уйла г1алг1ай мировоззрене шин даькъах екъалу. "Сога хьада, кхел аз ергья", - аьннад Дала", аьле а оал г1алг1аша, "Сога хьада, бекхам аз бергба", - аьннад Дала", - аьле а оал. Хьалхарча дешай ма1ан "сага кхел е Са мара кара дац" яхилга да, х1аьта шоллаг1ча дешай ма1ан "бекхам боацаш цхьаккха х1ама а дутаргдац Аз" яхилга да. Толстой романа идея из шоллаг1дола ма1ан да, сона хеташ. Из роман 1ойийшача цу романа керттера уйла из я аьнна-м хеталу. (Цул совг1а, цу романа (моллаг1ча дикача произведене санна) кхы тайпара идеяш а я - масала, цу романа т1а дика хьахьекхад ший дег1а мел товр, ший сина мел ловр деш харц новкъа лела ваьннар дикан т1а кхоачаргвоацилга).

НАКАСТОЕВ Хаваш,
Ч.Ахриева ц1ераг1ча Г1алг1ай 1илма-тохкама института воккхаг1вола 1илман болхло.
(Д1ахододар хургда)




СПОРТ

ОБЩАЯ ПОБЕДА РАДУЕТ ВСЕХ


В Санкт-Петербурге с 8 по 12 декабря прошел Открытый Кубок России и седьмой Международный турнир "Кубок Петра-I" по кикбоксингу, в котором участвовало около 400 спортсменов. Они представляли 35 команд из различных регионов России. Команда Ингушетии из 8 кикбоксеров под руководством тренеров Руслана Цурова и Хаджибикира Евлоева достойно представила нашу республику, добившись отличного результата. И это - не завышенная оценка, а сама объективность, ведь наши спортсмены преодолевают на пути к победе, помимо своих соперников на ринге, много проблем организационного и финансового плана. Тренерам приходится искать тех, кто в силах и готов поддержать наших спортсменов, обеспечить их выезд на соревнования, проживание, участие в престижных турнирах.
(спортсмены 1987-1988 гг.р.) заслуженно занял Адам Гарданов, все свои четыре боя он закончил победой. В категории до 60 кг. среди взрослых второе место занял Микаил Евлоев, из трех боев в двух он одолел соперников. После трех побед в четырех схватках, в категории 67 кг. (1985-86 г.р.) второе место досталось Рамазану Баркинхоеву (он воспитанник Аслана Аушева, замечательного человека, погибшего от рук бандитов в ночь на 22 июня).
Среди младших юношей (1989-90 г.р.) третье место в категории 36 кг. завоевал юный Илез Хаутиев, также бронзовым призером соревнований в весовой категории 39 кг. стал Умар Гадаборшев.
Каждое удачное выступление наших спортсменов вызывает у любого жителя Ингушетии понятную радость и гордость. Очень важна в этом смысле готовность каждого из нас помочь своим спортсменам. Большую помощь нашим кикбоксерам в Санкт-Петербурге оказал Амир Мержоев, который обеспечил проживание детей, оказал поддержку команде. Огромное ему спасибо от всех нас - жителей Ингушетии.
Большую благодарность тренеры и спортсмены команды Ингушетии выражают за помощь нашему земляку в Санкт-Петербурге Мусе Яндиеву, мэру г. Малгобека М. Алиханову и его заместителю Л. Гайтукиевой, руководителю ОАО "Ингушнефтегазпром" М.М. Мухиеву, директору СШ № 1 ст. Вознесеновской Асе Богатыревой, директору СШ № 20 г. Малгобека Фатиме Танкиевой. В этой поддержке спортсменам - гражданская позиция, патриотизм всех тех, кто неравнодушен, болеет за наших спортсменов, гордится их победами. А победы эти, нет никаких сомнений, еще будут радовать нас не раз.

В. САИТОВ
НА СНИМКЕ: во время награждения - первое место у Адама Гарданова




Константин Цзю
стал Международным послом Москвы-2012


РИА "Новости". Абсолютный чемпион мира по боксу в сверхлегком весе Константин Цзю стал Международным Послом заявки Москвы на право проведения Олимпийских и Параолимпийских игр 2012 года. Об этом сообщил руководитель информационного центра заявочного комитета Москва-2012 Петр Васильев.
Цзю присоединился к команде из более чем ста выдающихся российских спортсменов - чемпионов мира и Олимпийских игр разных лет, ставших Олимпийскими послами Москвы.
35-летний Константин Цзю - один из самых известных российских спортсменов, проживающих за рубежом. В возрасте 16 лет Цзю стал самым молодым победителем Чемпионата России по боксу. Сейчас он находится в Москве, куда приехал для получения престижной награды "Лучшему российскому спортсмену, живущему за границей" 2004 года.
Говоря о своем назначении Международным послом заявки Москвы-2012, Цзю заявил: "Если миру нужен город для организации беспрецедентных Игр, то нужно обратить внимание на Москву. Я горжусь тем, что могу оказать поддержку заявке и, конечно же, надеюсь на то, что во время голосования в июле следующего года члены МОК выберут Москву в качестве места проведения Олимпиады 2012 года".


 
----

??????.???????
Новости |  Наш Президент |  Пишет пресса |  Документы |  ЖЗЛ |  История
Абсолютный Слух |  Тесты он-лайн |  Прогноз погоды |  Фотогалерея |  Конкурс
Видеогалерея |  Форум |  Искусство |  Веб-чат
Перепечатка материалов сайта - ТОЛЬКО с разрешения автора или владельца сайта и ТОЛЬКО с активной ссылкой на www.ingush.ru
По вопросам сотрудничества или размещения рекламы обращайтесь web@ingush.ru