новости веб-чат СЕРДАЛО карта заставка
 







  Общенациональная газета Республики Ингушетия Сердало  


  Общенациональная газета Республики Ингушетия Сердало
 

  3 страница

ОБЩЕНАЦИОНАЛЬНАЯ ГАЗЕТА РЕСПУБЛИКИ ИНГУШЕТИЯ

Выходит с 1 мая 1923 года; № 15 (9704) вторник, 7 февраля

ГIАЛГIАЙ КЪАМАН ТЕШАМЕ ВОI

(Россе Турпал инарал Осканов дагалоаца ди)

Дийтта шу дуз укх шера февральски деношка Россе Турпал авиаце инарал, г1алг1ай къаман тешаме во1 Осканов Сосаркъий Суламбик вайцара д1акъаьста. Ше лехкаш йола самолет-истребитель нах бахача 1от1а ца йожийташ липецки юрта бахаш бола б1аьш нах 1оажала к1алхарбахар духьа ший вахарах а воалаш доккха г1улакх караг1даьннад цунна, цунца цхьана ший халкъа даим дагалаттаргйолаш йоккхача сийлен лер юхе а йитай цо…
Цхьайтта шу хьалха язъяьяр аз Осканов Суламбиках хьалххара очерк (эрсий меттала). Юха а язде лаьрх1ад аз цунах, цул т1ехьаг1а д1аяхача хана Осканов Суламбика караг1даьннар к1оаргаг1а довза г1ерташ, дегчу 1айнар наха д1адовзийтар духьа. Цхьабакъда цунах аланза дисар сайга деррига д1аоалалургда, аьнна-м беллабац аз тахан къоалам бе…
"Сигале езаш хиларо, ткъамаш дола говзал а йолаш сигала г1етта лела бокъо хиларо цкъаза бекхам беш моттиг нийслу. Моллаг1а летчик д1авалар - из доккха во да, х1аьта нагахьа санна цул совг1а из хьа новкъости доттаг1и вале - из шозза доккхаг1а во да.
В1алла ца соцаш дог 1увж: вайцара д1акъаьстав г1орваьнна т1ема летчик авиаце инарал-майор Осканов. Сона-м духхьал Суламбик, е, эрсий меттала цунах оалаш ма хиллара, Сергей вар из".
Иштта яздаьдар Россе вице-президент хиннача авиаце инарал-майора Советски Союза Турпала Руцкой Александра Осканов Суламбика хьакъехьа "Сигале массанена ца1 я" яхача ший статья т1а. Г1алг1ай халкъо Осканов Суламбика оттадаь доккха таьзет лаьттача деношка дар из.
Доттаг1чох дог лазаш, цунах валар хала долаш, аьнна дешаш да уж. Осканов Суламбики Руцкой Александри байза хиннаб ВВС летни состав кийчъеча центре, х1аьта шаккъе а цхьан ханна центре начальника заместителла хьожаваь а хиннав: Суламбик юкъарча дешашка хьожаш хиннав, Александр - летни кийчонга. Болх беча хана в1аши бувзам болаш, сало1ача хана цхьана болаш хиннаб уж. Столове болхаш а балха юхабоаг1аш а массаза цхьана лелаш хиннаб. Шин шера цхьана болаш цкъа в1аши б1аг1ара б1ара ца хьожаш, бахаш а болх беш а ца1 шоллаг1чоа мут1ахьа волаш чакхбаьннаб.
А. Руцкой Афганистане эскара ВВС командующе заместителла хьожаваьчул т1ехьаг1а в1ашаг1къаьстаб уж. Бакъда доттаг1ал-м хоададаьдац. Телефонаца къамаьл д1а-юха деш а, летни центре совещанешка, сборашка в1ашаг1бетталуш юкъера безам совбоаккхаш, г1улакхаш ца дохадеш яьккхай цар Суламбик дийна волаш мел яьккха ха.
Нийса аьннад: к1алвисача мара хац доттаг1чун хам. Цкъа, А. Руцкой заданег1а вахачара юхавенавац, аьнна хоам кхаьча хиннаб цун дезал бахача Липецке. Йоккха г1айг1а кхаьчай дезалга. Мел могар даьд Суламбика цу хана Александра дезалгара бала байбе г1ерташ, диканга догдахийтара бола тешам царна чубоссабеш. Иштта хиннав Суламбик массаза: сагото кхаьчачох дог лазаш, цунна оарцаг1воалаш, г1о де г1ерташ.
Из оамал цунах д1а ца йоалаш д1авахав из укх дунен т1ара. Из оамал цун хиларца дувзаденна да ше дийна виса йиш йолаш волга ховшше а гунахьа доацача наха зулам ца хилийтар духьа еха чуйожаш латтача самолета т1ара из чукхосса ца валар а. Атта хиннадеце а моллаг1чо цунах доаккхал дергдолаш хиннад инарала Осканова вахар. Из ваьв Пхьилекъонгий-Юрта, хьалкхийнав боккхача барттайнача дезале. Даьна тара хила г1ийртав Суламбик ше кхелета волча хана денз. Цун да Сосаркъа хиннав юрта бахача наха сийдеш а лоарх1аш а. Чапаевски оалаш хиннача 25-ча дивизе пулеметчик хиннав из Сийлахь-боккхача Даймехка т1ем т1а. Фронте майра т1ом беш хилар бахьан долаш правительственни совг1аташ денна хиннав.
Суламбика нанас Лодеи Сосаркъаси кхетам а луш хьалкхедаьд итт бер. Лодена енна хиннай "Нана-турпал" яха сийлен ц1и Дошо седкъа а луш. Суламбик дезале шоллаг1а бер хиннад. Ховш ма хиллара, дукха бераш долча дезале, з1амаг1дараш хьалкхув доккхаг1долча берашкара хьокхам а эцаш. Иштта хиннад Оскановар дезале а. Массане юкъара а массане де дезаш а цу дезале хиннар - моггача тайпареи ховча тайпареи ц1аг1а а коа-карта а де дезар деш хилар, дика дешаш хилар хиннад. Из деррига дезале шиш болча дас б1арг а локхаш, берашкара доаг1ар нанас доаг1ача тайпара хьа а дехаш Оскановар бераша дика кхоачашдеш хиннад.
Сосаркъаси Лодеи лертт1а кхетам а луш бераш хьалкхедеш хьийга къа зехьа дайнадац. Цудухьа царех цхьаккха висавац хаьдда цхьа говзал а йолаш вахаре ший моттиг хьа а лаьца д1аотта ца могаш. Салмана механика говзал 1омаяьй, х1аьта дуккхача шерашка Грозненски г1ишлон-монтажни управлене болх беш а хиннав, Назир - агроном, мехкарий Лида, Люба, Соня, Зина, Рая, Эсет, Радимхан - царех цхьабарашта дешара системе, вокхар торговле системе шоай моттиг хьалаца йиш йолаш говзалаш 1омаяьй. Цхьабакъда Суламбикага кхаьча лакхленаш йоккхаг1а я. Шийна караг1даьннача доккхийча г1улакхашца цо берригача мехка хьалхашка лакхдаьд ший дезала сий даь ца 1еш дерригача г1алг1ай халкъа сий а.
Барх1 класс чакхъяьккхачул т1ехьаг1а Грозне цхьан ханна деша волалу Суламбик ремесленни училищеи болх беш болча кагирхой юкъерча школеи. Уж шаккъе дешара заведени чакхъяьккхачул т1ехьаг1а цхьан шера болх бу цо мехкдаьтта чакхдоахача заводе монтажникала. Бакъда цу хана из сигаленгахьа дукхаг1а уйла т1аерзаяь хиннай. Сигале ше ма ярра яйза а яйза езаеннай цунна 1962 шера Качински Лакхерча военни авиационни училища курсант хинна д1аэттача.
Училища преподавателий б1арг т1аэттаб дешарах дика кхеташ а шийна т1адилла г1улакх нийса кхоачашдеш а хиннача курсанта. Т1ехдика дешаш летчикий училища чакхъяьккхачул т1ехьаг1а училище летчик-иструкторала болх бе юхевитав из. Укхаза мадарра д1агойтад Осканов Суламбика сигала г1атта лелара говзал ше дика 1омаяьлга, техниках к1оаргга кхеташ волга, ше 1омадаьр кхыбарашта д1ахьеха ховргдолаш волга.
Наха дег1ала ваха ховш, сабар долаш, курсанташ шийна т1ехьабаха а царна фу эш хьажа а ховш хилар санна йола вай мехкхочух хоза оамалаш а йисаяц теркал ца еш. Цудухьа хинна хила тарлора т1ехьаг1а из командирски а комиссарски а г1улакхаш т1а хьежавар.
Цхьабакъда Суламбика дукхаг1а дагадаьллар, цун безам т1аувзаш хиннар сигала г1атта лелар хиннад. Реактивни машинашца лела лакхерча пилотажах спорта мастер хиннав из, мадарра аьлча, истребителий деррига тайпаш дика 1омадаь хиннав. Цунна хала хургдар кабинете 1о а хайна хьакимал леладе.
Д1ахо балха т1ехь лакхлуш д1авахав из. Эскадрилья, авиаполка, авиадивизе командир хиннав. Суламбика болх баьб воккхаг1вола инструктор, полетий кхерамзлен служба летчик, мехка т1ема-фегарча низий летни состав кийчъеча центра начальника заместитель а т1ехьаг1а цу центра начальник а волаш.
1974 шера цу хана ч1оаг1а лоарх1аш хинна Ленина ц1ераг1ара Военно-политически академи чакхъяьккха а хиннав из. Москве ВВС центральни аппарте лакхача г1улакхат1а оттаваь а хиннав из.
1989 шера Осканов Суламбика лакхера воински звани еннай - авиаце инарал-майор. Цунах боккха кхаъ хилар дерригача г1алг1ай халкъа, х1ана аьлча Советски 1аьдал мел латтача шерашка г1алг1ай юкъамах болча наха юкъе эггара хьалхара инарал из хиннадаь. Цул т1ехьаг1а дукха ха ялалехьа "СССР Герзашцарча Низий заслуженни специалист" яха сийлен ц1и а елар цунна.
Т1ехдика дешаш цхьаькха лакхера дешара заведени - СССР Герзашцарча Низий генеральни штаба Лакхера Военни академи - чакхъяьккхай 1991 шера Осканов Суламбика. Цу хана ше 1омадаь т1ема 1илма к1оаргдеш цо диссертаци язъю, т1аккха цунна защита а ю. Иштта, Осканов Суламбиках хул т1ема 1илмай кандидат.
Осканов Суламбикаца цхьана эскаре г1улакх деш хиннача Лясковский Олега из д1аваьнначул т1ехьаг1а цунах аьнна да ер дешаш:
"Ше мел дер наьха духьа деш хилар" - иштта яр цун цхьа дика оамал. Цул эздел долашаг1а, балхах сакхеташаг1а, 1имерзаг1а саг вовзаш вацар со. Эзделаца, г1улакхаца, сабара сатийна хиларца тхона юкъе белгала вар из. Сагаца г1ар айяь ц1аккха къамаьл дацар цо.
Ше инарали йоккхий бокъонаши йолаш а наха лоарх1аш а саг воллаше а эггара хьалха духьала воаг1ар из, кулг а хьакховдадора хьалхаг1а".
Академе деша ваг1ача хана Осканов Суламбика д1ахьекхад ше леладеча г1улакха бехктокхаме а волаш т1авирзза ше хьалаьца г1улакх д1адахьа, хьалхашка латта декхараш дикаг1ча тайпара кхоачашде могаш а ховш а ше волга. Д1ахо доккхаг1а толамаш доахаш шаьръеш хиннай цо из летни говзал, керда рекордаш яьхай спорте, 1илма 1омадеча, къахьегача, шийца цхьана г1улакх деш барашца цхьоаг1ои барти лоаттабеча. Эггара лакхаг1арча классаг1а вола специалист, т1ема летчик-снайпер хинна д1аэттав из. Реактивни самолеташца лакхерча пилотажах вола спорта мастер, ракетни самолетий Ерригсоюзни яхьашка котваьнна призер хиннав из. Диъ эзар сахьат - иззал дукха сигала г1етта самолетаца никъ баьб Осканов Суламбика.
Т1еххьара вай сийдолча мехкахочунга хинна г1улакх - Липецки военни гарнизона начальник. Липецки цун сий деш, из лоарх1аш хилар хьахьокхаш да из цу хана халкъа депутатий областной Совета депутатала хержа хилар.
Осканов Суламбик д1а мел вахача моттиге дукха везаши безаме т1аэцаши хиннав. Из иштта долга бакъдеш да Суламбика тийнна совг1аташ. Даймехка хьалхашка цунна караг1дийнна г1улакхаш бахьан долаш совг1аташца белгалваьхав из керда авиационни техника караерзаярах. Цунна енна хиннай Ц1еча седкъа а "Даьхенна г1улакх дарах" яха а орденаш, дуккха медалаш. Осканов Суламбика совг1аташта юкъе да ВНР, ПНР, ГДР совг1аташ а. Суламбика г1алг1айи эрсийи метташ хайна ца1еш кхыча мехкий кхо мотт кхы а ховш хиннаб - английски, немций, польски.
Г1алг1айченна ше гаьна вале а масса хана хьашт долаш хиннав вай республике хулача хувцамашца, каст-каста ц1авоаг1аш, мехкахошца в1ашаг1кхеташ, г1алг1ай паччахьалкхел юхаметтаоттаеча хьинаре дакъалоацаш хиннав.
Оалаш ма дий, сигале дукха еза майра барашта, денал дарашта, х1аьта гешт деш а яц царгара даьннача г1алаташта. Осканов Суламбика дуккхаза нийсъенна хиннай кхераме моттигаш, моллаг1чоа т1ехвала могаргдоаца духьаленаш, бакъда цун йоккхача говзало, й1аьхийча опыто к1алхарваьхав из в1алла к1алхарвоалалургвац моттийташ хинначара. Духхьал цу тайпарча моттиге нийсвеннав из цу ший т1еххьарча 1992 шера февральски шийлача, сигала морх йоацаш сийрдача дийнахьа. Авиационни соединене командир инарал-майор Осканов тренировочни полет еш хиннав цу дийнахьа.
Деррига масса хана санна хиннад: хоза а сиха а г1оттаяьй Осканова ший ира з1ок йола машина. Ала х1ама доацаш ткъамаш а "лостадаь" машина къайла иккхай стратосфере г1олла. Иштта сигала г1олла лелаш оамал хиннай цун массаза…
… Зонера болх баьлча, Осканова хоам баьб тренировочни задачи ше кхоачаш а яьй аэродроме юха а воаг1а, аьнна. Цу сахьате локаторий экрана т1ара истребитель къайлаяьннай, цунцара бувзам а хаьдаб. Е эфире а е аэродроме а инарал кхы гучаваьннавац. Шоллаг1ча дийнахьа кораяьй к1оаргга лаьттаг1а чуяхача истребителах юхейиса х1амаш…
Йоккха г1айг1а кхаьчар г1алг1ай халкъага. Трагически валар хиннад инарала Осканова. Ший вахар д1аденнад цо липецки юрта бахача наьха вахара зе ца дайта г1ерташ, уж зулама к1алхарбоахаш.
Мишта нийсденнад из? Фу хиннад цига? Цу хана хоам баь ма хиллара, "1аьржача яьшка" хьахьокхачох цунцара бувзам сецачул т1ехьаг1а а машина лаьтта 1о ца кхоачаш кхы а шиъи ахи минот яьккхай. Истребителга ше яхар дайта г1ерташ шийна мел могар деш хиннав пилот. Из цун в1ашт1ехьдаьннадац. Прибораша даьча йоазонаша хьахьокхачох, машина ткъамаш д1адаг1ача оаг1орахьа к1алт1а а ювлаш чуйоаг1аш хиннай. Кхыметтел Осканов Суламбик санна опыт йолча пилота из меттайоалае г1ортарах пайда хулаш хиннабац. Прибораша хьахьекхад цу трагически секундашка пилот дийна хинна хилар а машина лораеш из ма могга нах бахача меттига т1ера д1агаьнъяккха г1ийрта хилар а.
"1алаьмате йоккха опыт а лаккхача боараме говзал а йолаш хинна, майра хиларал совг1а цхьаккха ала х1ама доацаш балхах кхеташ пилот хинна, дуккхача шерашка г1етта сигала г1олла лелаш ц1аккха г1алат шийгара далийтанза вола Осканов Суламбик цу хана г1алат ваьннав ала г1ертилга ц1ендаь д1адаккха доаг1аш да". Иштта яздаьдар зулам хинначул т1ехьаг1а массехк ди даьлча "Труд" яхача газета корреспондента В. Городецке "Инарала валар" яхача статья т1а.
Мелла дийцача а теша хала да Осканов Суламбик санна вола пилот г1алат валарахи цунга хиннар санна йола дунен т1а кхы цхьаькха шийл т1ех йоацаш хинна машина г1алат яларахи из доккха зулам хиннад аьлча. Теше а ца теше а детта ца луш сецад цу денал долча, наьха духьа даим уйла еш, къахьегаш хиннача, цар ираз бахьан долаш керда лакхаленаш караерзаеш хиннача Осканов Суламбика дог. Цо шийна т1ехьа йитай из вовзаш а везаш а мел хиннарий дегашка даим латтаргйола ший ц1и, хозача г1улакхийи оамалийи беркате лер.
Летчик-истребитель инарал Осканов валарах бола хоам д1абаьржаб берригача мехка г1олла, миллионаш болча Россе гражданий дегашка йоккха г1айг1а йоссаяьй цо. Ч1оаг1а цун сий деш т1еххьара накъаваьккхар турпал. Из д1авеллача дийнахьа из ваьча Пхьилекъонгий-Юрта йоккха траурни митинг хилар. Цига бар мехкахой хинна ца 1еш цунца цхьана эскаре г1улакх деш хиннараш, Россе тайп-тайпарча моттигашкара делегацеш, цу даькъе мехка лакхерча т1ема организацей викалаш а болаш. Цу дийнахьа Пхьилекъонгий-Юрта т1а г1олла кхесташ яр самолеташ-истребителаш: шоай командир хинна инарал Осканов т1еххьара накъаваккха Липецкера хьабаьхка цун т1ема доттаг1ий бар уж.

* * *

Осканов Суламбик ч1оаг1а сатувсаш, дог доахаш хиннав вай Г1алг1айче хоза, сийрда, дег1аена д1аоттарга, шийна мел могар деш из кхоачашдара ший дакъа юкъедахийта г1ерташ а хиннав. Ваханзар из Г1алг1ай Республика в1ашаг1йоллара хьакъехьара Указ арадаллалца, цунна б1аргадовнзар цун даьй лаьтта йоккхийча топий залпаша, пулеметий, автоматий таташа эгадеш, Пригородни районереи Владикавказереи беррига г1алг1ай низаг1а арабоахаш. Цунна иштта б1аргадовнзар нохчий мехка т1ом болабелча итташ эзараш г1алг1ай, нохчий Г1алг1ай Республике чуэца безаш этта хьал. Из деррига б1аргадовнзар Осканов Суламбика. Цу тайпара халкъа халахетар хилар ч1оаг1а новкъа хургдар цунна ше бокъонца вола къаман во1 хиларах тарра.
Денали къонахчали гойташ доккха г1улакх караг1даларах Даьхен патриота, Даймехка майрача т1емахочоа Осканов Суламбика (венначул т1ехьаг1а) х1аьтта хьахиннача Российски паччахьалкхене эггара хьалха елар Россе Турпал яха сийлен ц1и. Сунженски районе Орджоникидзевски станице цунна оттадаьд памятник. Цун ц1и тилла ба тахан республике боккхаг1барех бола боахам, предприятеш, школаш, городашкареи юрташкареи йоккхаг1йола улицаш. Цо хьахьокх ц1ихеза вола ший во1 г1алг1ай халкъо лоарх1аш хилар.

* * *

Укх деношка дийтта шу дуз т1емахочун декхар кхоачаш а деш авиаце ихарал-майора Осканов Сосаркъий Суламбика ший вахар 1одилла. Турпал венна ди дагалоацаш х1ара шера мероприятеш чакхйоах из ваьча юрта, школашка, кхыча дешара заведенешка, музеяшка, культура учрежденешка. Цунна караг1даьнна доккха х1ама а из ше а даим дагалоаттадергда цун мехкахоша. Инарал Осканов массаза хургва х1анзарча а хьат1ахургйолча а т1ехьенаша хьокхам эцаш, цунах цар доаккхал деш, цунна тара хила уж г1ерташ вола къаман тешаме во1 санна.

КОТИЕВ Султан-Гири,
журналистика ветеран

-------------------------------------

Сулам-Бек АУШЕВ



Генерал Осканов

Над Липецким небом летел самолет,
И за штурвалом сидел генерал…
То был его последний полет!
- Спасая людей он умирал!

В небе простилась с телом душа,
Доброго парня того ингуша.
Во имя жизни там на земле,
Умчалась душа высоко в небеса!

Воздушный корабль курс потерял,
Бесстрашный ингуш Осканов сказал:
"Жизнь отдам я ради людей",
И смерть он принял спасая людей!

С горячим сердцем простится душа,
Тело остынет тут ингуша.
Во имя жизни там на земле,
Сном непробудным навечно уснет!

За городом Липецк машина лежит,
МИГ - разбит и летчик погиб.
Геройски погиб Кавказа джигит,
Суламбек Осканов навечно молчит!

Люди живы осталися жить,
Не всегда живым над мертвым тужить.
В черном трауре в Плиево все…
В черном трауре все ингуши!!!

Запомнится имя русским всегда.
Его не забыть им никогда!
Имя спасителя жизни людей, -
Пилота, спасшего тысяч людей!!!

Плиевский парень в могиле лежит,
В городе Липецке он не забыт.
Будет и памятник в центре стоять,
И генерала как сына считать,
О… генерале там вспоминать!

Над Липецким небом летит самолет,
Сидит за штурвалом бесстрашный пилот.
То был его последний полет!
На небе высоком смерть его ждет!
Последней минуты жизни он ждет!

Лучше чем трусость гордая смерть.
Смерть Суламбека оно-то и есть!
Гордо Осканов из жизни ушел,
В раю пристанище он и нашел!!!
Над Липецким небом летел самолет,
И за штурвалом сидел человек!
Смерти в глаза глядел генерал,
Спасая людей он умирал!!!

Навечно уснувший Осканов лежит,
Народ… память о нем сохранит!
Память о нем жива и всегда,
Имя его не забыть никогда!!!



Светоч тела

К сожалению, сегодня встречаются люди, не признающие суфизм и считающие его не нужным, не имеющим под собой основы явления. Находятся и такие, кто утверждает, что следование по пути суфистских шейхов подобно идолопоклонничеству, а самих же шейхов называют идолами. Да простит их Аллах1! В подтверждение своих мыслей они заявляют, что о суфизме нет никаких упоминаний в Коране, что при жизни Пророка, (Да благословит его Аллах и приветствует) и его сподвижников тариката не существовало и т.д. Подобные доводы не состоятельны. Подтверждение суфизму есть и в Коране, и в сунне Пророка (Да благословит его Аллах1 и приветствует).
Ислам это не просто четкое соблюдение пяти столпов, это образ жизни и исполнение человеком всего предписанного свыше искренне и с осознанием того, что Всевышний видит его. Наука, которая обучает такому образу жизни, и называется суфизм. Пророк, (Да благословит его Аллах1 и приветствует) сказал: "Знайте, что в теле человека есть маленький кусочек плоти. Если он облагораживается, то облагораживается все тело. А если он портится, то портится и все тело. И кусочком этим является сердце".
Опорой для отчета человека в Судный день будет его облагороженное сердце, как об этом говорит Всевышний в священном Коране: "В тот День, когда не смогут помощь оказать ни сыновья и ни богатства, помимо тех, кто пред Аллах1ом предстанет сердцем непорочным. (Сура. Поэты аят 88-89.).
Судный день - это день, который ни накопленное имущество, ни богатство, ни дети не принесут человечеству никакой пользы, кроме его благородного, чистого сердца. Облагораживание сердца является самой важной из обязанностей, предписанных Всевышним. На это нам указывает Коран. Всевышний повелел, чтобы человек совершал свои деяния без намерения показать их окружающим, а только ради и во имя Его. По этому поводу Аллах1 говорит: "И было им повелено уверовать в Аллах1а, и в поклонении Аллах1у искренность блюсти. Отстаивать молитвы по часам и строго милостыню сотворять, здесь искренность религии лежит". То есть наш Создатель предписал нам служить Ему не иначе, как с искренней верой в сердце. Поэтому суфизм является наукой, главная задача которой заключается в излечении болезней сердца, очищении плоти от негативных и неодобряемых свойств. Вот что сказал о суфизме выдающийся деятель ислама имам Ахмад ас-Сайид Ахмад Рафан: "Эта исламская религия является собранной, т.е. состоит из частей. Ее скрытая часть является стержнем явного. Явная часть является оболочкой скрытой части. Если бы не было явного, не было бы и скрытого. Если не было бы сокрытого (тайного), не было бы ничего. Сердце не может существовать без тела. Если бы не было тела, сердце пропало бы. Сердце является светочем, освещающим тело. Это наука (суфизм), которую одни называют наукой о тайном (скрытом), есть наука об облагораживании (очищении) сердца. Если в сердце будут чистые намерения, и при этом ты будешь убивать, заниматься ростовщичеством, пьянствовать, лгать, грубить, быть высокомерным, горделивым, то какова же польза от чистоты твоих намерений? Если будешь служить Всевышнему, оберегать себя от всего негативного, поститься, раздавать милостыню, а в сердце твоем будет место самодовольству, стремление совершать деяния напоказ людям, то какова же польза от этих деяний?" Пророк Мухаммад (Да благословит его Аллах1 и приветствует), вменил каждому человеку выполнение обязанностей, а обязанности эти двух видов. Первый вид связан с явными (видимыми) деяниями. Второй связан со скрытыми деяниями. Одни обязанности связаны с видимыми телесными деяниями, другие - со скрытыми телесными деяниями, т.е. с сердцем. Деяния, связанные с телом, двух разновидностей: обязательные и запретные. К обязательным относятся намаз, пост, закят, Хадж и т.д. К запретным - прелюбодеяние, воровство, пьянство и другие.
Деяния, связанные с сердцем, также подразделяются на обязательные и запретные. Среди обязательных: вера в единого Бога, в ангелов, в Священные Писания, в пророков, в Судный день, в предопределение, искренность, упование во всем на Всевышнего, правдивость, терпимость. К запретным относятся вероотступничество, лицемерие, зависть, недружелюбие, высокомерие, гордыня, стремление к показному, самовосхваление и т.д. Второй вид (т.е. связанный с сердцем) является опорой нашей религии. Все зависит от искренности намерений, о которых ведает только Всевышний. Явные, видимые деяния Аллах1 связывал с искренностью скрытого (тайного), т.е. с намерениями человека.
Неискренность намерений приводит к бесполезности явных деяний. Аллах1 в священном Коране говорит: "Скажи: (Мухаммад) "Всего лишь человек я, вам подобный. Пришло мне откровение, что Бог ваш - Бог единый. А кто надежду возлагает навстречу с Господом своим, пусть добрые дела творит. И в почитании Владыка своего других божеств не призывает". (Сура Пещера, аят 110.)
Тот есть тот, кто в Судный день намеривается встретиться с Творцом, пусть совершает благие деяния искренне и не приобщает к служению Всевышнему ничего. Поэтому Пророк (Да благословит его Аллах1 и приветствует) выстраивал путь и направление жизни таким образом, чтобы сподвижники позаботились об очищении своих сердец. И он разъяснял им этот путь и говорил, что праведность человека зависит от чистоты помыслов, очищения его сердца от болезней.

М. БАРАХОЕВ


 
----

??????.???????
Новости |  Наш Президент |  Пишет пресса |  Документы |  ЖЗЛ |  История
Абсолютный Слух |  Тесты он-лайн |  Прогноз погоды |  Фотогалерея |  Конкурс
Видеогалерея |  Форум |  Искусство |  Веб-чат
Перепечатка материалов сайта - ТОЛЬКО с разрешения автора или владельца сайта и ТОЛЬКО с активной ссылкой на www.ingush.ru
По вопросам сотрудничества или размещения рекламы обращайтесь web@ingush.ru